Updated continously



الـــسلام علـــيكم
أهلا بالدكاتره


منورين و الله
نعم عايزين حاجة



أهلا بيكم في توبيك هدية كده لكل اللي في سنة 5
(طبعا الهديا بتاعي ........   )
المهم نبدأ أحنا كده بالصلاة ع النبي عندنا

1- Special Surgery A ---- جراحه خاصه أ
2- Internal medicine & infectious diseases Camel ....... باطنة و معدية جمال
3- Internal medicine & infectious diseases Cattle ....... باطنة و معدية بقر
4- Andrology اندرولوجي
5- Environmental health  صحه بيئه
6- Animal Health صحة حيوان
7- Poultry & rabbit diseases & mangment 2 دواجن (2) ......
8- Meat inespection ............. لحمة
9- Forensic Medicine ....... طب شرعي
10- Milk Technology ......... تكنولوجيا ألبان

Only

يا خراااااااابي ايه ده كله؟؟؟



المهم نبدأ و عايزين أبتسامة عريضة



أولا ... جراحه خاصه أ ... بتتكلم عن العمليات فى الحيوانات الصغيره وهتاخد بقى فى العملى بتاعها كل سكشن عمليه مختلفه وهتستغلو باديكو وكده

       ثانيا ..الباطنه جمال ..سهله جدا جدا اسهل من البيتس بكتير ومفهش كلام كتير وهى عدد محدود من الامراض معروفه وسهله والعملى بتاعها هما سؤالين مبيجيش غيرهم فى الباطنه لكن طبعا فى المعديه بتحفظ شويه امراض بس برده زى الباطنه شيب وجوت بس على اختصار اوى

ثالثا ...الباطنه كاتل ودى زى الشيب والجوت بالظبط ولكن فى المعديه الامراض بالتفصيل اكتر شويه بس انا اعرف ناس زاكرت الباطنه كاتل من الورق بتاع الشيب والجوت بجد واللهى هما الاتنين واحد خالص

رابعا ...الاندرولوجى ..العملى بتاعها سهل جدا ومفهوش حاجه عباه عن تجميعات السيمين والخصائص بتاعته وحركته وكده يعنى والنظرى بقه عباره عن الجهاز التناسلى الذكرى كله بالتفصيل الممل الذى لا تتخيله وبرده مكلم عن السيمين وازاى بقى بيتكون والكلام ده


خامسا ... صحه البيئه بقى بتتكلم عن الهوا والمياه وطرق تحسينهم وازاى تقيس نسبه التلوث فى المزارع وكده وبتتكلم عن الفضلات كمان وازاى تتخلص منها وكده بس العملى بتاعها رخم شويه على اساس انه تجارب كتير بتيجى منهم واحده بس فى الامتحان وبتكتب عنها كل حاجه وتجارب رخمه شويه بس فى شيت بيبقى تقريبا ب 15 درجه ده اهم حاجه فى امتحان العملى وكده

ثامنا ...اللحمه ...العملى سهل جدا برده عباره عن تلاته اورجان و2 سبوت وبينزلهم ملزمه فى الاخر معروفه وبتكتب على كل اسليد خمس بوينت ..وطبعا فى مجزر اسبوع اه واسبوع لاء .اما بالنسبه للنظرى هيكلمك بقه عن طرق الدبح فى مختلف الحيوانات وازاى تكشف على الحيوان قبل الدبح وبعده وكمان طرق الدبح الحلال وكده وكمان برده بتشوف النورمال والابنورمال فى كل الاورجان وازاى تعمل حكم عليها وتقول اذا كانت تصلح للاستهلاك الادمى ولا لاء .


تاسعا ..الطب الشرعى ده بالعربى والنظرى بتاعه سهل واللهى والعملى هو اللى رخم شويه علشان هتاخد التسنين تانى بس بالعربى والفاظ غريبه كده وكمان العظم كله بس بالعربى برده ..هو الماده كلها رخامتها فى العربى بس مش هتبقى متعود عليه ...لكن النظرى كلامه زى العسل هيكبمك عن اسباب الموت وطرق الموت والصفه التشريحيه للجثه بعد الوفاه وكمان الاسفكسبا وبعد كده هيكبمك عن الشعر والبقع الدمويه وشويه حاجات كده بس مش فاكرها واللهى بس لذيذ يعنى.


عاشرا: تكنولوجيا الالبان او لبن 2 يعنى بتتكلم عن السمنه والجبنه والايس كريم والزبادى والكريمه والمنتجات بتاعه الالبان دى والعملى بتاعه اسهل من لبن رابعه بكتير اوى تمام كده .........................



يـــــــتــــــبع

جزاكم الله خيرا