بقلم.د أشرف شاهينسألته-من أين نبدأ والبلد كلها تئن تحت براثن الفساد الذي عشعش فوقها لأكثر من خمسون عاما?أجاب بثقة-من القاضيفقلت-وضحلي أكتر يا سيادة المستشار?كان المستشار ممدوح رجل قد تجاوز الثمانين عاما بقليل ، ذو شكل يوحي إليك بأنك تقف أمام أحد حكماء عهد كونفشيوس، بتلك الرأس الكبيرة التي لم يتبقى فوق مقدمتها سوى بعض الشعيرات و ذلك الأنف الطويل الذي تكاد نهايته تصل إلى منتصف شفتاه ، ورغم كل تلك السنوات اللتى قضاها فى قراءة المراجع القانونية ومداعبة ملفات القضايا فقد كانت له عينين ثاقبتين لم تؤثر فيهما المراجع ولم تضعفهما السنون ، كان يتحدث الى وهو مندمج في مراجعة أحد التقارير بدون أن يضع نظارته الطبية, وكنت يوما قد سألته إذا كان لا يستعمل هذه النظارة فلماذا يضعها دايما حول عنقه ،فضحك و اجاب علشان الحسد يابني ربنا يكفيك شر عين الناس ، كان صوته وأسلوب كلامه يجعلك تجلس منصتا وكأنك طفل وديع جلس يستمع بكل وقار وأدب بل وبخوف لمحفظ القران بالكتاب .- أنا من كتر شغلي في المحاكم أكتر من خمسين سنة ،من وكيل نيابة لحد الدستورية العليا و من كتر القضايا والاحداث إلي مرت علي إتكونت عندى قناعة ،إن قضية الفساد هي قضية ضمير ورقابة أولا وأخيرا ،أجاب المستشار-يعني لو القاضى كان راجل بلا ضمير ،ومافيش رقابة عليه ،تبقى النتيجة الحتمية إن الحكم يفسد ،وعلشان احنا منقدرشي نحكم على ايه اللى جوا القاضى دي حاجة لا يعلمها إلا الله ،انما إلي نقدر نعمله اننا نراقب تصرفاتهم وأعمالهم, ونحط لهم حدود مش لازم يتعدوها ,و ده لهدف منطقي و هو التحكم في الصلاحيات الممنوحة له علشان مايجيرشى على حقوق الشعب .ثم استطرد- القوة يابني من غير تحكم هي مصيبة المصايب ،ولو الرقابة فاسدة تبقى على الدنيا السلامة ، والرقابة يجب أن تبدي من القضاء إلي لازم يكون شريف وعادل لو عايز أمور الحاكم بل أمور الدولة كلها تستقيم تبدي بالقاضي،انت لا تستطيع أن تثق في قضاة فاشلون وفاسدون للحكم على قضايا فساد تبدو لهؤلاء القضاة عادية وذلك بسبب فسادهم هم شخصيا ،يعني مثلا لو القاضي اتعين بواسطة ودفع أهله رشاوي علشان يوصل للمنصب إلي هو فيه ده ،ومواطن رفع قضية تظلم علشان طلع الاول في كلية الحقوق وعينوا زملاءه إللي جايبين مقبول وكلاء نيابة وهو لا والقضية دي جت قدام قاضي إللي هو نفسه دفع رشوة وجه بالواسطة هو كمان تفتكر هيحكم بإيه ???- يعني قصد سيادتك إن أكبر مشاكلنا بتنبع من الهيئة القضائية???أجاب- بالتاكيد يابني ،أنا لما إتعينت في النيابة سنة 54 إتعينت علشان كنت من العشرة الأوائل على الدفعة ،مش علشان أبويا كان مين ،كانوا كل إلي بيتعينوا زيي كدة, ماكانتشي فيه واسطة ،-ازاي تعين خريج فاشل يادوب نجح بالعافية في الليسانس فى السلك القضائي علشان أبوه قاضي أو حتى وزير عدل ?،إيه إلي تقدر تاخده من انسان فاشل ذي ده إلا إنه يقعد يمثلك دور وكيل النيابة أو القاضي ?،ويبوظ القضايا إللي بيمسكها وهو لا عارف قانون ولا بطيخ ، وهو ده إلي حصل في خلال التلاتين سنة الاخرانيين ،أصبح معظم ولا استطع أن أقول كل العاملون بالسلك القضائي فاشلين قانونيا ،والفاشل في القانون تستنى منه إنه يكون عادل في احكامه ازاي؟ .-والله كلامك صح فعلا يا سيادة المستشار والظاهر اننا لازم نطهر القضاء أولا من الفساد علشان نقدر نشوف نتائج الثورةأجاب-بالتاكيد لازم تطهير الفساد إلي متربع في القضاء وبعدين تدخل بحملات التطهير دي لباقي الادارات بالدولة .-أيوة بس إسلوب التطهير ده يكون ازاي ؟ نفصل جميع القضاة ووكلاء النيابة ونعطل أحكام المحاكم مثلا لحد ما نشوف مجموعة جديده تحل محل الطقم القديم?- لا طبعا مش لازم نفصلهم كلهم .أجاب- امال نعمل إيه ؟ سألت- أقولك ياسيدي قرار تقويم القضاء لازم يكون قرار سياسي من الحاكم, ويساعده فيه مجموعة من شيوخ القضاة المشهود لهم بالكفائه والنزاهة ، تتعمل حاجة ذي كدة ما بيسموها في الغرب ريفورم إعادة هيكلة ، تتاخد ملفات كل وكلاء النيابة والقضاة وتتم دراستها ،ويتم فصل من تثبت أنه غير كفئ ،وتصعيد الكفائات ،وفي نفس الوقت يتم تفريخ دفعات جديدة للعمل بالنيابة من العشرة الأوائل على كل دفعة مش لازم من دفعة السنة دي بس ممكن من دفعة سنة ثمانين لحد دلوقتي وبكده نكون عملنا إحلال سريع ومتكافي ،إحلال العناصر اللي مالهاش لازمة بعناصر جديدة وعندها كفائة .- طيب يا سيادة المستشار هتعمل إيه في الحرس القديم والجديد إلي موجودين في القضاء دول بيكونوا مافيات وهيعترضوا دائما على أي تعديل ميكونشي في مصلحتهم ،وممكن يعملوا إضراب ويوقفوا المحاكم?- وإنت هتخاف منهم ليه يتعمل فيهم ذي معملتم في الحرس القديم والجديد بتاع مبارك ،مش هيجوا أعز منهم ،إلي يمتنع عن الشغل حوله لمحكمة عسكرية امال قانون الطوارئ لازمته, يمشي على الناس الغلابة بس .