OFFLINE

المطلوب البدء في انشاء هيئة قومية لسلامة وجودة الغذاء وتعديل القوانين والتشريعات القديمة التي لا تتوافق وظروف المرحلة القادمة وذلك بعمل قانون موحد يقوم بالتحكم والرقابة والمتابع والأشراف علي كل مايتناولة المواطن من غذاء وضمان ان يكون هذا الغذاء مطابق للمواصفات العالمية مما ينعكس علي المجتمع ويساعد في التبادل التجاري مع العالم وكذلك جعل الأجيال القادمة أكثر صحة ويوفر فى الموارد ويرشد أستخدمها والمذيد من فرص العمل والأنتاج الرجاء من كل من يرغب ان تكون لدينا طعام امن وسليم ان نعمل سويا من أجل هذا الهدف

OFFLINE

معاك لصالح مصر الحرة شوف احنا ممكن نساعد ازاى ويلا بينا نتخلص من الجهل والتسمم وفساد الاغذية ونعمل بيئة جميلة واطفال اصحاء ومستشفيات ليها انظمة سلامة ولية  منعملش مواصفة قياسية لسلامة الاغذية من مصر من نقلد المواصفات القياسية العالمية  

OFFLINE

OFFLINE

شكرا علي دعمك للفكرة
لازم نعمل دعوة لاكبر عدد من المهتمين بسلامة وأمن الغذاء ونعمل مجلس تا سيسي لهذة الهيئة التي اتمني ان تكون أحد ثمرات ثورة 25 يناير


يضم هذا المجلس مجموعة من الخبراء فى الأغذية من أطباء  بيطريين وبشريين وصيادلة ومهندسين وأساتذة الجامعات والمهنيين وخبراء القانون وكل من يلازم  اتمني ان تكون هذة الهيئة في الأساس مهتمة بحماية المستهلك من الخطار الموجوة حاليا والتي لايلتفت لها أي مسؤل في مجال السياحة مثلا عندنا مشكلة مع السياح فيما يحدث لهم من مغص واسهال ولخبطة وأمراض تؤدى لفقد الأستمتاع بالأجازة مما يجعلهم يفضلوا  التوجة لدول أخري لا يعانوا فيها من مثل هذة المشاكل
فية أيضا مشاكل من الوجبات المدرسية التي تقدمها الدولة لمدارس الأطفال
فية مشاكل في  تداول الحوم علي سبيل المثال الشوادر التي تقيمها المحليات لتوفير الحوم بسعر اقتصادي هذة الشوادر خطيرة جدا ولا توفر اي حماية للمستهلك ولا توفر لة اي نوع من الامان فالحمة معرضة للتلوث بكل أصناف الملوثات وكذلك فانها ذات قيمة غذائية متدنية
تداول الخبز علي الأرصفة في الشوارع
البن السائب
والكثير من المشاكل التي ينبغي السيطرة عليها  هذا القليل و في جعبتي المذيد سوف نتكلم فية لاحقا

OFFLINE

الفكرة اكيد جميلة وياريت تتحط فى اطار التنفيذ
بصرحه انا كنت فاكر اننا عدنا فعلاً جهاز من النوع ده فى مصر بس تقريبا طلعت كنت بحلم ومن كتر ماكنت بحلم صدقت ان حلمى كان حقيقة
فى شوية نقط لو تسمحولى اثيرها
اولا مسائلة ان افضل انتاجنا يتصدر خارج مصر  والدرجة التانية تنزل الاسواق المصرية فى حين ان الدول التانية بتحترم مواطنيها وبتتعامل معاهم على انهم بشر
السؤال ليه انا مش زى الدول دى نحترم المواطن المصرى اولاً وبعدين نصدر انتاجنا للدول الخارجية وبردو بالجودة المطلوبة لتلك الدول واعتقد اننا لو طبقنا الكلام د وتخلينا عن الفكرة المعششه جوانا اننا نصدر الافضل ونستهلك الدرجة التانيه الدول التانيه حتحترمنا وتصدرلنا انتاج درجة اولى وبعدين يجى دور السادة المستوردين فى بلدنا الحبيب انهم يراعو ربنا فى المستهلك المصرى  طبعا انا مش عاوز اعمم كل المستوردين لانى متاكد ان فى مستوردين شرفاء فى البلد ولكن انا اقصد السادة اللى بيبحثوا عن المنتج الردئ لتسويقه فى الاسواق المصرية بحثا عن مكاسب اكبر طبعا وهما مش عارفين انهم بيضرو اخوانهم وابناء بلدهم او عارفين بس المهم عنده نفسه وبس تفكير اناننى
وهنا يجى ضوء الجهاز الجميل اللى اقترحة واعتقد ان ده فى اطار الموضوع وياريت يكون فى جميع السلع اللى بتنج فى مصر وبتستورد وبتصدر
ثانيا ليه ما تكونش الفكرة دى من ضمن الاعمال اللى بيقوم بيها جهاز موجود عندنا فعلا وهو اسمه جهاز حماية المستهلك اللى مش عارف لغاية دلوقتى ده دورة ايه تقريبا علشان نقول هيه عندنا جهاز حماية مستهلك وهو زى قلته !
لازم جهاز زى دة يكون لية سلطة رقابية حقيقية ياجماعة وتتفعل تلك السلطة بجد !
ثالثا : خلينا نفكر سوا فى حاجة مهمه جهاز زى ده محتاج موارد مالية لتمويل تنفيذه يعنى بالبلدى اجور محترمة للسادة القائمين عليه علشان العملية ماتقلبش لجهاز فساد جديد واللى اصبحنا مبتكرين فيه بدل ما نبتكر الحاجات اللى تنفعنا وتنفع بلدنا ! هذا بالإضافة الى المعدات اللازمة لقياس مدى الجودة وخلافة واى حاجة تانيه انا مش عارفها
انا فى رأى المتواضع ان الموارد تكون بتمويل بجزء من موازنة الدولة ( الضرائب ) اللى بيدفعها المواطن المصرى ويشارك فى الباقى رجال الاعمال والمستثمرين بس طبعا مش بشكل مباشر  هذ بالإضافة نسبة مما يتم تحصيله من غرامات على المخالفين وطبعا فى اطار معقول علشان ما يبقاش جهاز لدبح رجال الاعمالونرجع تانى لفكرة انه جهاز فساد ويكون الجهاز ده تحت رقابة وزارة التجارة والصناعه والجهاز المركزى للمحسبات ان صح ، يعنى مش عارف ان بس اقصد ان ادى الجهاز ده السلطة لفرض العقوبات الرادعة فى حالة المخالفة وفى نفس الوقت لا تكون تلك السلطة مطلقة منعا للفساد
وفى النهاية انا اسف على الاطاله بس سمحونى لانى زى ماقولت ده كان حلم ويا رب يتحقق بقه
وشكرا على الفكرة الجميلية

الحلم نص الحقيقة