OFFLINE

السلام عليكم الاول ..
اهلا بيكوا يا شباب معانا في الجمعيه اللي ان شاء الله نقدر نثبت من خلالها ان شباب السلام يقدروا يعملوا اي حاجه هما عايزينها و اول حاجه عاوزين نعملها اننا نغير مدينه السلام للاحسن ..
من خلال تنضيف شوارعها و تجميلها مع زياده الوعي عند الناس و تنضيفها من الناس سيئه السمعه ده غير الافكار المطلوبه لجذب الشركات للعمل فيها و ده مش هيجي غير لما السلام تبقي مدينه اكثر حضاريه و تبقي زي الاحياء الراقيه.. يعني مثلا ليه منلاقيش اعلانات في الطرق في السلام؟ ده لانهم عارفين ان السلام مدينه غير منظمه و فيها ناس غير مسئوله و زي مابيقولوا مش موجوده علي الخريطه..
احنا  بقي وظيفتنا اننا نثبت ليهم ان السلام فيها شباب جامدين اوي و يقدروا يعملوا اي حاجه .. كل ده جميل بس بشروط مهمه اوي :

1-يا ريت مايبقاش بينا اي خلاف لان هيبقي منظرنا مش لطيف خالص و هيقولوا شويه عيال

2-يا ريت محدش يبص لمنصب و يفتكر انه هيبقي وزير لان اي حد اي حد مهما كان في الجمعيه هو مسئول زي المشرفين هي مسأله تنظيم فقط

3- يا ريت اي واحد ناوي يرشح نفسه لاي قسم يبقي عارف من جواه انه هيتبهدل و هتبقي عليه مسئوليه كبيره جدا جدا و ميفتكرش ان الموضوع سهل

4- يا ريت تبقي نفوسنا صافيه من ناحيه بعضنا عشان مينفعش نشتغل مع بعض و حد متضايق من واحد تاني

5- طبعا الكل عارف ان الموضوع ده كله من غير مقابل مادي الموضوع ده للي بيحب يخدم المكان اللي عايش فيه

6- يا ريت برضه نلغي فكره النفسنه من دماغنا .. يعني مش كل ما واحد هيقول حاجه هيروح
المخ العبقري مترجمه لانه عايز يكون رئيس .. يا جماعه كلنا رؤساء انفسنا بس لازم يكون فيه تنظيم .. زي خليه النحل و برضه زي فرق النمل شوفوا و سبحان الله كله بيشتغل بانكار ذات فظيع و كله بيأدي دوره ليه منكنش زيهم ..اكيد ربنا حاطط فيهم الخواص ديه لحكمه (و اعتبروا يا اولي الالباب) فيا ريت نبقي منظمين عشان نوصل للي احنا عايزينه

7- لازم الكل يبقي عارف ان االي هيغلط هيتشال علي طول و بالاجماع حتي لو كان مين يعني مثلا انت صاحبي الانتيم من 15 سنه بس لاقيتك مش بتشتغل و جي تهرج و مش بتعمل حاجه مفيده .. بمنتهي الادب هنطلب منه انه يقعد علي جنب و نجيب واحد بداله و الكلام ده من فوق لتحت و الحدق يفهم

8-و اخيرا و ليس اخرا ان شاء الله هنعمل حاجه و انا واثق اننا هنوصل للي احنا عايزينه و ان شاء الله ربنا معانا طول ماحنا قاصدين الخير
و معلش طبعا التنسيق مش كويس و ده لقله الامكانيات في الفورم فمعلش تعالوا علي نفسكو شويه و استحملوا