OFFLINE

اول اقتراح عندى هو اننا ممكن بسهولة والامكانيات المتاحة نخلى مصر عندها اكتفاء ذاتى فى الاقتصاد.وذلك عن طريق عمل اكتفاء ذاتى فى السلع الزراعية اولا ونخلى السوق المحلية مش ناقصة اى حاجة للشعب المصرى اولا. ساعتها اسعار الغذاء ةالسلع الاساسية النتعلقة بالزراعة هاتنخفض جدا وكل الشعب يعرف يعيش وياكل اولادة وعو مستريح وضامن لقمة عيشه. وبعدين الفائض هو الى يتم تصديرة مش العكس.يعنى ماينفعش اسيب الناس جعانة والاسعار غالية عشان اصدر.
يبقى لازم اضع شروط وحدودللتصدير.
وعشان نوصل للنظام ده عندنا اراضى صحراوية كتير قوى. عشان نستغلها كويس من رايى نعمل الاتى:
عمل خطة محددة المدة تقوم على اساس معدل استهلاك الشعب المصرى من السلع الاساسى خلال السنة ثم تقسيم كمية كبيرة من الاراضى على الشباب الباحث عن عمل وجاد فيهيتم تسليم الاراضى لكل شاب وليكم 10 فدان لكل شاب برقمة القومى مع اعطائة عقد امتلاكه للارض لاطمئنانه عل مستقبله.ويمكن ان يتضمن العقد عدم امكانية البيع او استخدامها بغرض غير الزراعة
يجب اعطائه تصريح ببناء منزل له ولعائلته فى الرض وامداده بالمرافق فقط (مياه-كهرباء-تليفونات)
وعلى اساس الخطة الموضوعة يقوم الشاب باختيار نوع المحصول الذى يريد زراعته مثل القمح او الذرة او اي محصول اخر
مع الضمان للشاب انه بعد ما يستقر فى الارض لا يفاجىء بواحد يقوله دى ارض الدولة او ارض حد تانى
ساعتها هاتكون النتيجة ان المحاصيل الزراعية الاساسية هاتزيد وترخص ويون فى خير كتير فى البلد دا غير الصناعات الزراعية المصاحبة للانتاج الزراعى والحيوانى ومنتجاتها
يعنى باختصار زى ما بنعمل مدن سكنية جديدة ممكن نعمل مدن زراعية ضخمة تجيب خير للبلد ويكون لها شكل حضارى جميل واشكال البيوت محددة ومحدش يبنى بمزاجه وفيه طرق ممهدة ووسائل مواصلات جيدة
ارجو ان فكرتى توصل للمسؤلين وتلاقى فرصة للبحث والتنفيذ

OFFLINE

مع إحترامي الشديد لباقي الأفكار ..
إحنا فعلاً محتاجين أكتر من أي حاجة تانية الزراعة
ولما نقول الزراعة يبقى هنخلص من جزء كبير من الصحرا
وهنخلص من الكثافة السكانية
وهنخلص من مشكلة الإسكان كمااااااااااان
غير إن الزراعة زي ماقلت بيصحبها زيادة الثروة الحيوانية
ومن الممكن برضه إننا نخلي المناطق دي مش ريفية ولا مدن
يعني تبقى أحسن من الاتنين من المدن ومن القرى
ويبقى مثلاً كل الأراضي اللي تتوزع عالشباب نفس المساحة أو ممكن نقول تتناسب المساحة مع المنطقة
يعني لو منطقة كويسة يبقى مينفعش حد ياخد مساحة كبيرة أما لو نائية وبعيدة فممكن المساحة تكون أكبر
ويكون في قانون مثلاً إن البناء على المساحات دي ميكونش أكبر من دورين أو ثلاثة أدوار على نصف مساحة الأرض أو ثلث مساحة الأرض أو أياً كانت النسبة
لعدم إستغلالهم في طرق غير شرعية وفي طرق للربح والتجارة

حاجة أخيرة ممكن نقول أول سنتين يرتبط الشاب ببيع المحصول للحكومة وبعدهم يبدأ تجارته بيهم إذا كان هيصدر أو يستورد أو يفتح شركة ويصنع أغذية ومعلبات وعصائر يعني مش تصدير خام بس

ده رأيي وبتمنى معاك إنه يوصل ولكن في النهاية دي مجرد أفكار بيننا وبين بعض مش هتوصل
بالتوفيق إن شاء الله

OFFLINE

دا كلام جميل ويا ريت الشباب يفكرو زى كده وميقلش اسيب بيتى واهلى واروح اعمر الصحراء لازم نعمل علشان نلاقى ولا ايه الكلام

OFFLINE

لازم اهم من ان الشباب يهتموا بالفكرة ان الفلاحيين واصحاب الاراضي حتى ولو متر واحد يؤمنوا بها خاصة في الدلتا علشان ميحصلش هدر للموارد في استصلاح اراضى وانا عندي ارض تصلح لأجود انواع الزراعات في العالم يعني كل واحد يزرع وكل واحد مايبورس ارض علشان كردون المباني  وكمان كل اسرة عندها بلكونة او سطح تزرع فيه محصول مش بيحتاج امكانات كبيرة زي البطاطس،الطماطم،الخضرة ...اي حاجة يعني